Нұр-Мүбарак Египет ислам мәдениеті университетінде «Жалпы білім беру пәндері» кафедрасының қауымдастырылған профессоры, заң ғылымдарының кандидаты Роза Өміртайдың студенттермен кездесуі өтті.

«Жаңа халықтық конституцияның құндылығы» атты тақырыппен өрбіген жиында еліміздегі соңғы саяси өзгерістер қордаланып, түрленген Ата заңымыздың жаңа формасы талданды.

Роза Өміртай кездесу барысында шәкірттерге тың биліктік трансформацияны түсіндірді. Сондай-ақ, жуырда қабылданған жаңа Конституцияның құқықтық нормалары мен негізгі аспектілерін саралады.

Одан бөлек, бұл кездесуде жастардың өз құқығын білуі, олардың қарапайым заң нормаларымен танысуы сынды тақырыптар қамтылды.