Нұр-Мүбарак университеті өзінің қоғам алдындағы әлеуметтік жауапкершілігін сезіне отырып, кедейлікті жоюға бағытталған бірқатар кешенді  іс-шараларды жүзеге асыруда:

Университеттің білім алушыларды әлеуметтік қолдауы:

◄ Университетішілік олимпиада жеңімпаздарына тегін оқу гранттары беріледі.

◄ Үздік көрсеткіш иелерінің оқу ақысына және жатақханада тұру ақысына жеңілдіктер қарастырылады, демеушілер есебінен жылдық оқу ақылары төленеді.

◄ Жетім, жартылай жетім, мүгедектігі бар білім алушыларға қаржылай көмектер беріледі   және жатақханада тегін тұру мүмкіндігі қарастырылады.

◄Білім алушылар қажеттілігіне қарай демеушілер есебінен азық-түлікпен, киім-кешекпен, тұрғылықты орынмен, Умра сапарына тегін жолдамамен қамтамасыз етіледі.

◄ Стартап жобалары қаржыландырылады.

Университеттің қызметкерлерді әлеуметтік қолдау қызметтері:

◄ Мерекелерге орай қызметкерлерге үнемделген қаржы есебінен сыйақы беріледі.

◄ Жарияланым белсенділігі үшін бір реттік қаржылық қолдау көрсетіледі.

◄ Қызметкердің отбасында бала туылған жағдайда қаржылай көмек беріледі.

◄ Қызметкердің отбасында қайғылы жағдай орын алғанда қаржылай көмек беріледі.

◄ Мерейтой иелеріне бір реттік қаржылай көмек беріледі.

◄ Жатақханада бос орындар болған жағдайда баспанасы жоқ қызметкерлерге жатақханадан орын  беріледі.

◄ Рамазан айында қызметкерлердің 12 жасқа дейінгі балаларына сыйлықтар беріледі.

◄ Қызметкерлер үшін университет аумағында тегін автотұрақ қарастырылған.

◄ Техникалық қызметкерлер мен шаруашылық бөлім қызметкерлеріне азық-түлік себеті, киім-кешек және қосымша сыйақылар беріледі. 

Нұр-Мүбарак университеті әлеуметтік жауапкершілік ұстанымына сай аштықты жою бағытында бірқатар игі істерді жүзеге асыруда.

◄ Білім алушылардың сапалы және құнарлы тамаққа қолжетімділігін қамтамасыз ету мақсатында Ризық университеттік асханасында студенттерге тәулігіне 1200 теңгеге кешенді түскі ас ұсынылады.

◄ Әлеуметтік жағдайына қарай кейбір білім алушылар университет асханасында тегін тамақтанады.

◄ Рамазан айы кезінде білім алушыларға күнделікті тегін ауызашар дастарханы ұйымдастырылады.

◄ Рамазан айы кезінде білім алушыларға азық-түлік және тұрмыстық химия тауарларынан құралған әлеуметтік пакеттер таратылады.

◄ Рамазан айы кезінде тұрмыстық жағдайларына қарай қызметкерлерге азық-түлік және тұрмыстық химия тауарларынан құралған әлеуметтік пакеттер таратылады.

Нұр-Мүбарак университеті салауатты өмір салтын қалыптастыруға бағытталған кешенді іс‑шараларды тұрақты түрде жүзеге асыруда.

◄ Университет кампусында орналасқан заманауи спорттық кешен білім алушылар мен қызметкерлерге футбол, волейбол, баскетбол т.б. спорт түрлерімен шұғылдануға мүмкіндік береді.

◄ Білім алушыларға арналған жаттығу залдары мен спорттық секциялар тұрақты жұмыс істейді.

◄ Оқу ғимараттары, жатақханалар, асхана және спорт кешені санитарлық-гигиеналық талаптарға сай болуын қамтамасыз ету мақсатында жүйелі түрде тексеруден өткізіледі.

◄ Қызметкерлер мен білім алушылар жыл сайын міндетті дәрігерлік профилактикалық тексеруден өтеді.

◄ Оқу процесі, жатақхана тұрмысы, қалаға бейімделу кезінде кездесуі ықтимал психологиялық қиыншылықтарды ертерек анықтау және көмек беру үшін Психологиялық кеңес беру қызметі жұмыс істейді.

◄ Үздік нәтиже көрсеткен қызметкерлерге, мерейтой иелеріне университеттің қолдауымен арнайы шипажайға жолдамалар ұсынылады.

Нұр-Мүбарак университеті сапалы білім беруді өзінің басты миссиясы ретінде қабылдай отырып, білім алушыларға заманауи, ғылыми және рухани құндылықтарға негізделген білім беру жүйесін қалыптастыруға бағытталған кешенді жұмыстар атқаруда.

◄ Халықаралық стандарттарға сәйкес келетін, жұмыс берушілермен келісілген оқу бағдарламаларын жүзеге асырады.

◄ Оқыту топтарындағы білім алушылар саны 22 адамнан аспайды. Семинарлар мен практикалық сабақтарға, соның ішінде Құран жаттау, араб, ағылшын және қытай тілдерін меңгеру үдерісіне көбірек уақыт бөлінеді.

◄ Білім алушылардың жан-жақты дамуы үшін ғылыми-зерттеу жұмыстары, ғылыми жобалар, конференциялар, семинарлар және дөңгелек үстелдер ұйымдастырады.

◄ Оқу процесінің сапасын бақылау және бағалау жүйесі үздіксіз жетілдіріліп, білім алушылардың нәтижелері мен қабілеттеріне көңіл бөлінеді.

◄ Профессор-оқытушылар құрамы мен әкімшілік қызметкерлері жоғары білікті мамандардан тұрады.

◄ Профессор-оқытушылар құрамы мен қызметкерлер Университет есебінен біліктілікті арттыру курстарына жіберіледі.

◄Профессор-оқытушылар құрамы үшін қысқы және жазғы мектептер ұйымдастырылады.

◄Университетте 20-дан астам шетелдік ұстаз қызмет етеді.

◄ Халықаралық серіктестік аясында білім алушылар мен оқытушылардың академиялық тағылымдамалары кеңейтілуде, бұл оқу сапасын арттыруға септігін тигізеді.

◄ Қосымша білім беру орталығы білім алушыларға тегін түрде тереңдетілген рухани білім беру курстарын ұйымдастырады.

◄ Ақтөбе, Шымкент қалаларында және Бақанас, Талғар аудандарында университетке дейінгі рухани білім беретін 6 дайындық курстары бар.

◄ Діни экстремизмге қарсы іс-қимыл орталығы радикалды идеологиялардың таралуына қарсы профилактикалық іс-шаралар ұйымдастырып, діни сауаттылықты арттыру, экстремистік ағымдардың зиянды әсерлерін түсіндіру бағытында ақпараттық және түсіндіру жұмыстарын жүргізеді.

Нұр-Мүбарак университеті қоғамдағы барлық тұлғалардың құқықтары мен мүмкіндіктерін тең дәрежеде қолдау мәселесін өз қызметінің маңызды бөлігі ретінде қарастырады.

◄ Университет барлық білім алушылар мен қызметкерлер үшін жынысына қарамастан  білім алу, ғылыми қызмет және кәсіби даму саласында тең жағдайлар жасайды.

◄Университет қызметкерлері мен білім алушылары арасындағы гендерлік қатынас ер адамдар – 51%, әйел адамдар – 49% деңгейінде. Гендерлік теңдікті қамтамасыз ету бағытында жүйелі жұмыстар жүргізілуде.

◄ Университет қабырғасында қыз балалардың бастамасымен құрылған «Zere» community клубы жұмыс істейді.

◄ Әйел құқығы, әйелдің тұлғасы, әйелдің отбасындағы және қоғамдағы рөлі сияқты тақырыптар университет білім алушыларының дипломдық және диссертациялық зерттеу жұмыстарының өзекті бағыттары болып табылады.

◄ Жыл сайын «100 қари шәкірт» жобасы өткізіліп, Құранды жаттауда үздік нәтиже көрсеткен қатысушылар бағалы сыйлықтармен марапатталады.

Нұр-Мүбарак университеті таза су мен санитарлық жағдайларды жақсартуға бағытталған кешенді шараларды жүзеге асыруда.

◄ Университет ғимараттары мен жатақханаларында сапалы және қауіпсіз ауыз суды қамтамасыз ететін аппараттар орнатылған.

◄ Жуыну бөлмелері, дәретхана және асхана ғимараттары санитарлық-гигиеналық талаптарға толық сәйкес келеді және үнемі тазаланады және дезинфекцияланады.

◄ Оқу корпустары, жатақханаларда, спорт кешенінде қол жуғыш заттар мен санитарлық құралдар қолжетімді.

◄Таза су мен санитария саласындағы жағдайды жақсарту үшін тұрақты түрде техникалық қызмет көрсету және профилактикалық шаралар жүргізіледі.

◄ Білім алушыларға таза суды пайдалану, үнемдеу және санитарлық нормаларды сақтау жөнінде ақпараттандыру бағытында түсіндіру жұмыстары тұрақты түрде жүргізіледі.

Нұр-Мүбарак университеті энергияны үнемді пайдалану арқылы тұрақты даму мақсаттарына қол жеткізуге бағытталған кешенді іс-шараларды жүзеге асыруда.

◄ Энергия үнемдеу мәдениетін қалыптастыру мақсатында білім алушылар мен қызметкерлерге арналған ақпараттық-түсіндіру іс-шаралары ұйымдастырылады.

◄ Университет энергия тұтынуды бақылау және есепке алу жүйесін енгізіп, тиімділікті арттыру бойынша тұрақты шаралар қабылдайды.

◄ Университет кампусында энергия үнемдейтін шамдар орнатылып, тиімді энергия тұтыну саясаты жүзеге асырылуда.

Нұр-Мүбарак университеті еңбек нарығына дайын жоғары білікті мамандарды даярлап, түлектерге тұрақты еңбек нарығында өз орнын табуына мүмкіндік беретін  кешенді іс-шараларды жүзеге асыруда.

◄ Университетте түлектерді жұмысқа орналастыру мен кәсіби өсуін қолдау, түлектер мен жұмыс берушілер арасындағы байланысты нығайту, тәжірибе алмасу мақсатында  «Түлектер қауымдастығы» (Alumni Association) белсенді қызмет атқарады.

◄ Жыл сайын жұмыс берушілерді шақыру арқылы «Бос орындар жәрмеңкесі» өткізіледі. 

◄ Университет қабырғасында білім алушылардың экономикалық белсенділігін арттыру жаңа жұмыс орындарын ашуға ықпал ету, кәсіпкерлік бастамаларын дамытуға бағытталған «Стартап жобалар» конкурсы ұйымдастырылады.

◄ Университетте жыл сайын профессор-оқытушылар құрамы мен қызметкерлердің еңбекақысы қайта қаралып, олардың әлеуметтік жағдайын жақсарту мақсатында жалақы мөлшерін арттыруға бағытталған жүйелі шаралар жүзеге асырылады.

◄ Университеттің үздік және белсенді түлектері университетке жұмысқа қабылданады.

Нұр-Мүбарак университеті инновациялық орта қалыптастыру, инфрақұрылымды жаңарту бағытында келесі іс-шараларды жүзеге асыруда.

◄ Университетте Цифрлық Ислам, Киберкеңістіктегі діни дискурс және т.б. тақырыптарда ғылыми зерттеулер жүргізетін Халықаралық ғылыми зерттеу және инновация орталығы жұмыс істейді.

◄ Зағип жандардың Құранды үйренуіне жол ашатын «Қасиетті құран кәрім – Брайль қарпінде» қосымша факультативті оқыту жүйесі жүзеге асырылуда;

◄ Білім алушылар мен оқытушыларға заманауи оқу-зерттеу ортасын ұсыну мақсатында университеттің жаңа 9 қабатты оқу корпусы салынуда.

◄ Университет инфрақұрылымы оқу ғимараттарынан, жатақханалардан, спорт кешенінен, кітапхана, мешіт, тамақтану орындары мен демалыс орындарынан тұрады, кампуста қауіпсіздікті қамтамасыз ететін шлагбаум, бейнебақылау және Face ID жүйелері орнатылған және қауіпсіздік қазметі жұмыс істейді.

◄ Университет аумағында орналасқан Нұр-Мүбарак мешіті білім алушылар үшін практикалық база ретінде де қызмет атқарады.

Нұр-Мүбарак университеті білім беру жүйесінде тең мүмкіндіктерді қамтамасыз ету арқылы қоғамдағы теңсіздікті төмендетуге белсенді үлес қосып келеді.

◄ Университет түрлі әлеуметтік топтардан шыққан жастарға сапалы білім алу үшін тең мүмкіндіктер ұсынады.

◄ Гранттар мен жеңілдіктер жүйесі арқылы аз қамтылған және ауылдық өңірлерден келген білім алушыларға жынысына, ұлтына, дініне қарамастан бірдей қолдау көрсетеді.

◄ Мүгедектігі бар студенттерге білім алуына жағдай жасау мақсатында, Брайль алфавиті бойынша оқу мүмкіндіктері қарастырылып, инклюзивті білім беру ортасы қалыптастырылуда.

◄Университет қызметкерлеріне де жынысына, ұлтына немесе дініне қарамастан, білім беру, ғылыми-зерттеу және біліктілікті арттыру салаларында тең мүмкіндіктер ұсынылады.

◄ Қызметкерлерді экономикалық қолдау мақсатында берілетін сыйақы мөлшері барлық қызметкерлер үшін бірдей белгіленеді.

Нұр-Мүбарак университеті тұрақты, қауіпсіз, үйлесімді қалалық орта қалыптастыруға өзіндік үлесін қосып келеді.

◄Университет аумағы абаттандырылған, көгалдандырылған аймақтар мен демалыс  орындарынан тұрады.

◄ Университет аумағындағы Нұр-Мүбарак мешіті қала халқын біріктіретін рухани орталық ретінде маңызды рөл атқарады.

◄ Университеттің ерекше сәулетті инфрақұрылымы Алматы қаласының көрнекті орындардың қатарына жатады.

◄ Энергияны тиімді пайдалану, қалдықтарды сұрыптау, жасыл кеңістік пен таза ауаны сақтау сияқты шаралар тұрақты инфрақұрылымның дамуына бағытталады.

Нұр-Мүбарак университеті ресурстарды тиімді пайдалану және артық тұтынудан бас тарту қағидаларын ұстана отырып, экологиялық сананы арттыру бағытында жүйелі жұмыс жүргізіп келеді.

◄ Оқу корпустары мен жатақхана ғимараттарында энергия мен суды үнемдеу жүйелері қолданылады.

◄ Жарық шамдары заманауи үнемді шамдарға ауыстырылды.

◄ Университет асханасы мен жатақхана ас бөлмелерінде тағам қалдықтарын азайту, бір реттік пластик бұйымдарды шектеу, экологиялық таза ыдыстарды пайдалану сияқты шаралар қолға алынған.