ҚР Президенті Қасым-Жомарт Тоқаев Әлемдік және дәстүрлі діндер көшбасшыларының VIII съезінің «Діндер диалогы: болашақ жолындағы синергия» атты пленарлық сессиясына қатысты. Бұл сессияда жаһандық өркениеттер арасындағы өзара түсіністік пен ынтымақтастық мәселелері көтерілді.

Аталған маңызды жиынға университетіміздің проректоры Ершат Оңғар және оқытушы-профессорлар – Исахан Мұхан, Алпысбаев Ерғали, Анарбаев Нұрлан, Затов Қайрат, Имаммәди Түсіпхан қатысты. Олар сессия барысында рухани келісім мен мәдениетаралық диалогтың маңыздылығын айқындай отырып, дінаралық татулықты нығайтудағы Қазақстанның бастамаларына қолдау білдірді.