Нұр-Мүбарак Египет ислам мәдениеті университеті Қазақстан мұсылмандары діни басқармасы және Ислам тарихы, өнері мен мәдениетін зерттеу орталығымен (IRCICA) бірлесе отырып,  2025 жылдың 9-10 қазан күндері «Қазақстан мәдениеті және Ислам дінінің қолжазбалық мұрасы: Алтын Орда мен Мысыр мәмлүктері коллекциялары мысалында» атты III Халықаралық семинар өтті.

Халықаралық семинарға Қазақстан мұсылмандары діни басқармасының Төраға орынбасары, наиб муфти Ермек Қасболатұлы Мұқатай, Түркия елінің профессор, докторы Ислам ынтымақтастығы ұйымы, Ислам тарихы, өнері және мәдениетін зерттеу орталығы, Сәулет мұрасы бөлімінің меңгерушісі Алидост Эртуғрул, Чукурова университетінің профессоры Фатих Яхья Аяз, Мармара университеті, тарих бөлімінің профессоры Ильяс Кемалоглу, Сакария университеті, гуманитарлық және әлеуметтік ғылымдар факультеті, тарих бөлімінің профессоры Мұхаммед Біләл Челик қатысты. Сонымен бірге, Мысыр елінен Каир университеті, Александрия кітапханасының Қолжазба мұрасын зерттеу бөлімінің жетекші ғылыми қызметкері Ахмад Мұхаммад Атия, Өзбекстан Халықаралық ислам академиясы, тарих ғылымдарының докторы Зухра Арипова мен Укпам Палвановтар онлайн-оффлайн баяндама жасады. Семинар қазақ, араб, орыс, түрік және ағылшын тілдерінде өтті.

Дәстүрлі үш жыл қатарынан өтіп жатқан Халықаралық семинар үш секциядан тұрды: «Мәмлүктер заманындағы қолжазба мұрасы», «Алтын орда деректері», «Қазақстан қолжазба мұралары».