Құрметті Нұр-Мүбарак Египет ислам мәдениеті университетінің оқытушы-профессорлар құрамы, ғалымдар мен ғылыми қызметкерлер қауымы!

     ҚР Ғылым және жоғары білім министрлігі, Ғылым комитеті 2026-2028 жылдарға арналған ғылыми және (немесе) ғылыми-техникалық қызмет нәтижелерін коммерцияландыру жобаларын гранттық қаржыландыруға арналған конкурс жариялағанын хабарлаймыз!

    Өтінімдерді қабылдау мерзімі: 10.12.2025 жыл – 10.01.2026 жыл аралығы

Ғылыми және (немесе) ғылыми-техникалық қызмет нәтижелерін коммерцияландыруға арналған грант – Қазақстан Республикасының заңнамасында көзделген жағдайларды қоспағанда, ғылыми және (немесе) ғылыми-техникалық қызмет нәтижелерін коммерцияландыру жобаларын басым бағыттар шеңберінде іске асыру үшін өтеусіз және қайтарымсыз негізде берілетін қаражат (бұдан әрі – грант).

2026–2028 жылдарға арналған ғылыми және (немесе) ғылыми-техникалық қызмет нәтижелерін коммерцияландыруға бағытталған жобаларды гранттық қаржыландыру конкурсы келесі басымдық салалары бойынша жүргізіледі:

1) Агроөнеркәсіптік кешен және ауыл шаруашылығы өнімдерінің қауіпсіздігі;

2) Геология, пайдалы қазбаларды өндіру және өңдеу, жаңа материалдар мен технологиялар;

3) Сутегі энергиясын және энергияны сақтауды қоса алғанда, жылу және электр энергетикасы;

4) Машина жасау және өнеркәсіптік робототехника;

5) Өмір және денсаулық сақтау ғылымдары, биотехнология және дербестендірілген медицина;

6) Ақпараттық-коммуникациялық технологиялар, жасанды интеллект және киберқауіпсіздік;

7) Ғарыштық технологиялар, спутниктік және зымыран жүйелерін әзірлеу;

8) Су ресурстарын ұтымды пайдалану, экология және биоәртүрлілікті қалпына келтіру;

9) Жоғары сапалы білім беру және оқытудағы цифрлық технологиялар;

10) Экологиялық, агротуризм және этнографиялық туризм.