21 наурыз — Ынтымақ күні Қазақстан халқының бірлігі мен татулығын айшықтайтын маңызды мерекелердің бірі. Бұл күн – елдегі түрлі этнос өкілдерінің достығы мен өзара құрметінің символы.

   Аталған мерекенің басты мақсаты – қоғамдағы келісім мен тұрақтылықты нығайту, ортақ құндылықтарды дәріптеу. Бүгінде Қазақстан көпұлтты мемлекет ретінде бейбітшілік пен өзара түсіністіктің жарқын үлгісін көрсетіп келеді.

  Ынтымақ пен бірлік – ел дамуының негізгі тірегі. Сондықтан да бұл күн әр азаматқа ортақ жауапкершілік пен құрметті еске салады.