ҒЫЛЫМИ КЕҢЕС МӘЖІЛІСІНІҢ КҮН ТӘРТІБІ БЕКІТІЛДІ

2026 жылғы 27 наурызда университетте №227 Ғылыми кеңес мәжілісі өтеді. Аталған отырыста білім беру үдерісін жетілдіруге және ғылыми қызметті дамытуға бағытталған бірқатар маңызды мәселелер қарастырылмақ.

Күн тәртібіне сәйкес, ең алдымен 2025 жылғы 27 ақпанда өткен алдыңғы отырыстың хаттамасын бекіту жоспарланған. Сонымен қатар, 2025–2026 оқу жылында қорғалатын магистрлік диссертациялар бойынша рецензенттердің құрамын бекіту мәселесі қаралады.

Мәжіліс барысында 2026–2027 оқу жылына арналған білім беру бағдарламалары мен элективті пәндер каталогын бекіту көзделіп отыр. Бұл өз кезегінде оқу үдерісінің сапасын арттыруға және студенттердің білім алу мүмкіндіктерін кеңейтуге ықпал етеді.