«ЖАСАНДЫ ИНТЕЛЛЕКТ ДӘУІРІНДЕГІ АНТРОПОЦЕНТРИЗМ.
ЦИФРЛЫҚ МӘДЕНИЕТТАНУ, ҚАЗАҚТАНУ МЕН ДІНТАНУ ӨЗЕКТІЛІГІ»
тақырыбындағы ғылыми-танымдық дөңгелек үстел

Нұр-Мүбарак Египет ислам мәдениеті университетінде «Жасанды интеллект дәуіріндегі антропоцентризм. Цифрлық мәдениеттану, қазақтану мен дінтану өзектілігі» тақырыбында ғылыми-танымдық дөңгелек үстел өтті.

Аталған іс-шара университеттің Филология факультеті мен Жалпы білім беру пәндері кафедрасының ұйымдастыруымен жүзеге асырылды. Дөңгелек үстелдің басты мақсаты – жасанды интеллект дәуірінде ұлттық идеяны қалыптастыру, «Қазақтану» бағытының өзектілігін арттыру, сондай-ақ мәдени құндылықтарды цифрландыру мәселелерін жан-жақты талқылау болды.

Шараға арнайы қонақ ретінде Түркі халықтары философиясы қоғамының тең төрағасы, Қазақстан философтары конгресінің вице-президенті, философия ғылымдарының докторы, профессор, отандық мәдениеттану ғылымының негізін қалаушылардың бірі Тұрсын Хафизұлы Ғабитов қатысып, мазмұнды баяндама жасады. Ғалым өз сөзінде цифрлық трансформация жағдайында гуманитарлық ғылымдардың рөлі, антропоцентризм мәселесі және ұлттық құндылықтардың сақталуы туралы терең ой қозғады.