НҰР-МҮБАРАК УНИВЕРСИТЕТІНДЕ
«Этно ауыл» атты дәстүр мен руханият тоғысқан мерекелік іс шара өтті

  Ұлық Ораза айт мерекесіне орай университетімізде ұлттық рухты жаңғыртқан ерекше жоба – «Этно ауыл» мәдени-танымдық іс-шарасы ұйымдастырылды.

Аталған шараның басты мақсаты – жастардың бойына ұлттық құндылықтарды сіңіру, салт-дәстүрлерімізді дәріптеу және рухани сабақтастықты нығайту. Этно ауыл аясында қатысушылар қазақ халқының бай мәдени мұрасымен танысып, дәстүрлі өмір салтының көріністерін тамашалауға мүмкіндік алды.

Бағдарлама аясында ұлттық ойындар кеңінен ұйымдастырылды. Атап айтқанда, Арқан тарту, Асық ату, Қол күрес сынды жарыстар жастардың қызығушылығын арттырып, өзара достық пен белсенділікті нығайтты. Сонымен қатар, ұлттық тағамдар ұсынылып, қонақтарға қазақы қонақжайлықтың үлгісі көрсетілді.

Іс-шара барысында арнайы концерттік бағдарлама ұсынылып, ұлттық ән-күй мен дәстүрлі өнер дәріптелді. Студенттер өз өнерлерін ортаға салып, мерекелік көңіл-күй сыйлады.

Осындай мазмұнды шаралар – жастарды рухани тұрғыда байытып, ұлттық болмысымызды сақтауға үлкен үлес қосатыны сөзсіз.