Қырғызстан Республикасының Бішкек қаласындағы Ишеналы Арабаев атындағы мемлекеттік университеттің 8 докторанты келісімшарт негізінде Нұр-Мүбарак Египет ислам мәдениеті университетінде ғылыми-зерттеу тағылымдамасынан өтті.

Тағылымдама барысында докторанттар отандық және мысырлық профессор-оқытушылардың дәрістерін тыңдап, заманауи ғылыми әдіснама бойынша білімдерін тереңдетті. Сонымен қатар университет кітапханаларының қорымен танысып, ғылыми ақпараттық дерекқорлармен жұмыс істеу дағдыларын жетілдірді.

Тағылымдаманың қорытынды кезеңінде докторанттарға арнайы сертификаттар табысталып, оларды салтанатты түрде шығарып салу рәсімі ұйымдастырылды.Аталған бағдарлама екі ел арасындағы академиялық ынтымақтастықты нығайтып қана қоймай, жас зерттеушілердің кәсіби және ғылыми әлеуетін арттыруға зор мүмкіндік берді.