V Республикалық «Нұр-Мүбарак» олимпиадасы

ІІ-ші іріктеу кезеңі туралы толық ақпарат

ІІ-ші іріктеу кезеңі 2026 жылдың сәуір айының 23 күні Алматы қаласында, Нұр-Мүбарак Египет ислам мәдениеті университетінде өтеді:

09:00 – 13:00 оқушылар олимпиада тапсырады;

13:00 – 14:00 түскі үзіліс;

14:00 – 16:30 оқушыларға арналған университет ішіндегі экскурсия;

16:30-18:00 олимпиада қорытындысы.

Университет мекен-жайы: Алматы қаласы, әл-Фараби даңғылы 73, Академ городок аялдамасы.

   Республикалық «Нұр-Мүбарак» олимпиадасы екі бағытта өтеді:

• Дін және теология бағыты: Исламтану, Дінтану және Теология мамандықтарына түсуге болады. Екінші кезеңде жіберілген сұрақтардан құрастырылған билеттер бойынша ауызша комиссияның алдында жауап беру керек. Қазақ мектебінде білім алып жатқан оқушылар қазақ тілінде, орыс мектебінде оқып жатқан оқушылар орыс тілінде билеттерге жауап береді.
• Дін және теология бағыты бойынша жүлделі орындар:
• 1 орын – 1 грант;
• 2 орын – 2 грант;
• 3 орын – 3 грант.

   Грант иегерлері университетке қабылдану үшін міндетті түрде ҰБТ кемінде 70 балл төмен жинамау керек!!! ҰБТ Қазақстан тарихы мен Оқу сауаттылығы пәндері бойынша тапсырылады және шілде айында шығармашылық емтихандар тапсырылады (әр мамандық бойынша бөлек).

• Тілдер бағыты: Шетел филологиясы (араб, ағылшын) және Аударма ісі (араб, ағылшын) мамандықтарына түсуге болады. Екінші кезеңде тақырыптар бойынша әр оқушы билет арқылы бір тақырыпқа эссе жазып, комиссия алдында ауызша қорғау керек.
• Тілдер бағыты бойынша жүлделі орындар:
• 1 орын – 1 грант;
• 2 орын – 1 грант;
• 3 орын – 1 грант.
• Грант иегерлері университетке қабылдану үшін міндетті түрде ҰБТ кемінде 50 балл төмен жинамау керек!!! ҰБТ Қазақстан тарихы, Математикалық сауаттылық, Оқу сауаттылық, Жалпы тарих және Ағылшын тілі пәндері бойынша тапсырылады.

   Республикалық «Нұр-Мүбарак» олимпиадасының жеңімпаздарына Нұр-Мүбарак Египет ислам мәдениеті университетінде оқу үшін арнайы гранттар тағайындалады.