Үздік 2 студентке ҚР Ғылым және жоғары білім министрлігі белгілеген көлемде шығындарын өтейтін грантқа ие болады. Қабылдаушы университетте оқу тегін. Мемлекеттік білім беру гранты бойынша оқитын бакалавриаттың 1-2 курс студенттері үшін ғана.
Байқау іріктеу жөніндегі комиссиямен ағылшын тілінде интервью форматында өтеді.

Қойылатын талаптар:
• теология , дінтану немесе исламтану БББ бойынша 1-2 курс студенті болу;
• GPA 3.0 төмен емес;
• ағылшын және түрік тілін меңгеру деңгейі – Upper-intermediate (В2) және одан жоғары;
• Қазақстан Республикасының азаматы болу.

Қажетті құжаттар тізімі:
1. Өтініш (үміткердің қолымен және толтырылған күнімен);
2. 3*4 суреті бар сауалнама (үміткердің қолымен және толтырылған күнімен);
3. Мотивациялық хат (үміткердің қолымен және толтырылған күнімен);
4. Офис-тіркеушінің қолы қойылған ағылшын тіліндегі транскрипт
5. Төлқұжат көшірмесі (немесе жеке куәлік);
6.IELTS, TOEFL сертификаттарының және университеттегі белсенді қызметін растайтын басқа да құжаттардың көшірмелері ұсынылады.(бар болса)
7.Студенттің көп балалы отбасынан шыққанын растайтын отбасы құрамы туралы құжат (бар болса);
8.Студенттің ата-анасының жоқтығын растайтын құжат (жетімдерге немесе ата-анасының қамқорлығынсыз қалған студенттерге ғана)(бар болса);
9.Студенттің мүгедектігін растайтын құжат (бар болса);
Үміткерлерді тең баллмен іріктеу кезінде артықшылық беріледі:
1) ата-анасының қамқорлығынсыз қалған жетім балалар;
2) мүгедектер;
3) көп балалы отбасылардан шыққан студенттер.

Сауалнаманы және өтінішті көшіріп алу үшін ,төмендегі сілтемеге өтіңіз : https://drive.google.com/drive/folders/1bZqHsthMXq5tNlZjtD75JYp6kfxerBYh?usp=sharing

Құжаттарды тапсыру 2023 жылдың 31 мамырына дейін. Құжаттарды бір файлмен pdf форматында nmu.international@gmail.com электрондық поштасына жіберу керек.
Нәтижелер байқау өткізілгеннен кейін 1 аптаға дейінгі мерзімде жарияланады.
Барлық сұрақтар бойынша халықаралық кеңсеге хабарласуыңызды сұраймыз (nmu.international@gmail.com).